هنا في مرايتي الاستحمام اجباري طبقا لما هو معمول به في قوانين مرايتي . لازم تستحمه طبعا أديلك خمسين سنه مستحمتش وهتتعبنا علي بال متنضف بس معلش كله بثوابه وهنيالك يافاعل الخير والثواب ومن قدم شئ بيداه التقاه وعشانا عليك يارب ..........شف أديك من أولها هتهرب من الحموم ده حمام اجباري عشان لما تبص في مرايتي خلي بالك مرايتي أنا مش مراية حد تاني تشوف حاجه حلوه ولوكنت وحش أنا مش مسئوله يبقي أفعالك هي اللي جيبالك الكفيه ياحلو لأن في الأول وفي الآخر كل اللي هيبص هيشوف نفسه مش هيشوف هيفاء وهبي ولا رشدي أباظه يعني من باب العلم . وخلينا برضه في الاستحمام هتستحمي من كل الهموم والأحزان اللي علي جلدك وبقت عامله زي قشرة البطيخ اللي زي القشف علي أدين أم العيال في فيلم مش فاكره اسمه أيه , ما علينا وبرضه خلينا في الاستحمام أنا مصممه أنك تستحمه عشان لما تخرج من هنا تحس بالحياه شكلها مختلف . مختلفه أزاي معرفش كل واحد علي هواه يعني الحرامي يسرق بنفس مه استحمي والغشاش يغش بفن وابداع وهلما جره ........ وبرضه الجماعه الوحشين دول بتوع المبادئ وتعيش الحريه والاستقلال التام أو الموت الزؤام واللي أنا معرفهمش ومبحبهمش ومش منهم والله العظيم أقول الحق والمره دي شاهد مشفش ومش هيشوف حاجه
يارب تكون مرايتي هتعجبكوا عشان كل واحد يشوف نفسه فيها ومتتخنقوش علي المرايه وتكسروها من الأول عشان اللي هيكسرها هدفعه التمن غالي فهمين وله هتتعبوني ؟ باين عليكوا مش بتوع مشاكل أحنا نخلصها ودي وبلاش محاكم لأن حبالها طويله
2 comments:
السلام عليكم ورحمة الله
فعلا كل واحد فينا محتاج أنه يكون مواطن فى الجمهورية ديه علشان يقدر يستمر في الحياه الصعبة اللى أحنا عيشنهاويطلع كل العقد والكلاكيع اللى عنده وبرافوا عليكي أنك بتسمحى لأى حد يكون مواطن في الجمهورية لأني على رأي المثل الجنة من غير ناس ما تنداس
كتر الله من أمثالك كويس أن في ناس عايزه تعيش في الجمهورية بتعتي أن شاء الله تتبسطي فيها
Post a Comment