وجع دماغ

كان مالي ومال التدوين ما أسيبه لاصحابه أحسن عامله فيها أم العريف ما أنا كنت في حالي وكفيه خيري شري والحياه حلوه وخلاص علي رأي اللي قال وأنا هقول زيه الحياه حلوه وخلاص أنا حاسه بدماغي كبرت متتخضوش بعد الشر عليه مش كبرت يعني بقيت زي الناس المثقفه الحلوه دي لا كبرت في الحجم (ورمت يعني)من كتر الهلوسه اللي أنا فيها مش عارفه الموضوع دا شكله هيوديني السرايا الصفره قال يعني نقصني جنان .بس طب هعمل أيه أنا مشيت في سكة اللي يروح ميرجعش ربنا يستر علي البرجين اللي فاضلين مش عارفه أيه اللي أنا عملته في نفسي كان فين عقلي يا بويه مدونة أيه وتدوين أيه اللي أنت جي تقول عليه أنت عارف معني التدوين أيه

التدوين دا عاوز ناس كبيره وأنا أصلي غلبانه قوي بس أهو نعمل اللي علينا يمكن نوصل لحاجه

طبعا أنا لما كتبت الكلام دا كان عندي وقتها خمسين ألف فكره بس لاني بكتب بصباع واحد علي رأي اللي قال وأنتم عارفين الكتع وكالعاده ملحقتش أقول اللي كان نفسي أقوله وكتبت حاجه كده وجع دماغ وخلاص